ق ر اقپارات جانە قوعامدىق دامۋ ءمينيسترى داۋرەن ابايەۆ "حابار" ارناسىنداعى "وتكرىتىي ديالوگ" باعدارلاماسىنا سۇقبات بەرىپ، قوعامداعى وزەكتى ماسەلەلەرگە قاتىستى پىكىر ءبىلدىردى.
سۇقبات بارىسىندا جۋرناليست مينيستردەن قازاقستانداعى قوسۇكىمەت جايىنداعى اڭگىمەلەرگە بايلانىستى كوزقاراسىن سۇرادى.
ابايەۆ ەلباسى جۋىرداعى سۇقباتىندا قوسۇكىمەتكە قاتىستى قاڭقۋ ءسوزدىڭ ءبارىن تەرىستەگەنىن ايتتى.
– پرەزيدەنتتىڭ جۇمىسىنا ەلباسى تاراپىنان ەشقانداي ارالاسۋ جوق، بولمايدى دا. ونىڭ بارلىعى كونستيتۋسيالىق نورمالارمەن شەكتەلگەن. ەكىنشىدەن، توقايەۆ – ەكىنشى نازاربايەۆ ەمەس. ونىڭ وزىندىك باسقارۋ ءستيلى، وزىندىك كوزقاراسى بار. سوندىقتان قوسۇكىمەت تۋرالى اڭگىمەلەردى قوزعاۋدىڭ قاجەتى جوق. ۇشىنشىدەن، ەلباسىنىڭ ءوزى اتاپ وتكەنىندەي، قاسىم-جومارت توقايەۆ ماڭىزدى ماسەلەلەردە تۇڭعىش پرەزيدەنتپەن كەڭەسىپ تۇرادى. ونى قاسىم-جومارت كەمەل ۇلىنىڭ ءوزى دە ايتقان، – دەپ تۇيىندەدى مينيستر.
سونداي-اق باعدارلاما بارىسىندا ەلباسى سۇقباتى، تابىسى تومەن وتباسىلارعا نەسيە بەرۋدى شەكتەۋ، اراب شەيحتارىنا دۋاداق اتۋعا رۇقسات بەرۋ، قازاقستاندىق باق-تا نەگاتيۆتىڭ ءجيى جازىلاتىنى سىندى ماسەلەلەر ءسوز بولدى.
